नेपाल बंगलादेश बैंक र एनबीआईबीच सम्झौता | बैंकका कर्मचारीको कार्यदक्षता बढाउन ५० लाखबराबरको तालीम दिइँदै
काठमाडौं । नेपाल बंगलादेश बैंक लिमिटेड र नेशनल बैंकिङ इन्ष्टिच्युट (एनबीआई) बीच तालिम कार्यक्रम सञ्चालनसम्बन्धी सम्झौता भएको छ । सोसम्बन्धी सम्झौतापत्रमा बैंकको तर्फबाट प्रमुख कार्यकारी अधिकृत ज्ञानेन्द्रप्रसाद ढुंगाना र इन्ष्टिच्युटको तर्फबाट प्रमुख कार्यकारी अधिकृत सञ्जीव सुब्बाले हस्ताक्षर गरेका हुन् ।
उक्त सम्झौतासँगै अब एनबीआईले नेपाल बंगलादेश बैंकका कर्मचारीहरूको कार्यदक्षता विकासका लागि विभिन्न तालीम उपलब्ध गराउनेछ । सम्झौताअनुसार अब एनबीआईले सो बैंकका कर्मचारीहरूका लागि रू. ५० लाखबराबरको वार्षिक तालीम सञ्चालन गराउनेछ ।
