भारतीय प्रधानमन्त्री नरेन्द्र मोदी मंसिर १२ गते फेरि नेपाल आउँदै | यस पटक उनले उच्चस्तरीय राजनीतिक भेटघाट र लुम्बिनी भ्रमण गर्ने
काठमाडौं । भारतीय प्रधानमन्त्री नरेन्द्र मोदी फेरि नेपाल आउने भएका छन् । अब फेरि आउँदा उनको नेपाल भ्रमण चौथो हुनेछ । उनी तेस्रो पटक बिमस्टेक सम्मेलनमा भाग लिन नेपाल आएका थिए ।
मोदी मंसिर १२ गते काठमाडौं आइपुग्ने भारतीय दूतावासको उच्च स्रोतले बताएको छ । दुई दिने भ्रमणमा आउँदा मोदीले लुम्बिनी भ्रमण र उच्च स्तरीय राजनीतिक भेटघाट गरी मंसिर १३ गते भारत फर्किने कार्यक्रम रहेको भारतीय समाचार एजेन्सी एएनआईले बताएको छ ।
यसअघि मोदीले जनकपुर, मुक्तिनाथ गए पनि सुरक्षाको कारण देखाउँदै लुम्बिनी भने गएका थिएनन् । मोदी नेपालमा सबैभन्दा धेरै भ्रमण गर्ने भारतीय प्रधानमन्त्री बन्दै छन् ।
