छ्याङदी हाइड्रोपावरले हकप्रद निष्कासनका लागि दियो बोर्डमा निवेदन |
काठमाडौं । छ्याङदी हाइड्रोपावर लिमिटेडले ३० प्रतिशत हकप्रद शेयर निष्कासनको अनुमति माग्दै नेपाल धितोपत्र बोर्डमा निवेदन दिएको छ । कम्पनीले १० बराबर ३ को अनुपातमा रू. ८ करोड ९३ लाख २ हजार ५०० बराबरको ८ लाख ९३ हजार २५ कित्ता हकप्रद शेयर निष्कासनका लागि बैशाख १५ गते बोर्डमा निवेदन दर्ता गराएको हो । यो हकप्रद विक्री प्रबन्धकमा ग्लोबल आइएमई क्यापिटल रहेको छ ।
यस वर्ष कम्पनीले ५ दशमलव २६ प्रतिशत वितरण गरेको छ । गत आर्थिक वर्ष ०७६/७६ को सञ्चित मुनाफाबाट ५ प्रतिशत बोनस शेयर र कर प्रयोजनका लागि शून्य दशमलव २६ प्रतिशत नगद लाभांश कम्पनीले वितरण गरेको हो । ५ प्रतिशत बोनस शेयर वितरण पश्चात कायम हुने रू. २९ करोड ७६ लाख ७५ हजारको आधारमा ३० प्रतिशत हकप्रद शेयर कम्पनीले विक्री गर्न लागेको हो ।
