रमेश कर्पोरेशनले गर्यो संस्थापक इमिरेट्स स्वर्गीय रमेश गुप्ताको सम्मान |
काठमाडौं । विभिन्न १० समूह भित्र स्थापित रमेश कर्पोरेशनले दूरदर्शी संस्थापक इमिरेट्स स्वर्गीय रमेश गुप्ताको विरासतलाई आत्मसाथ र सम्मान गर्न नयाँ सुरुवातको प्रारम्भ गरेको छ । ब्राण्डले आफ्नो नयाँ यात्राको प्रारम्भ स्वर्गीय गुप्ताले देख्नु भएको उज्ज्वल भविष्य एवं दृष्टिलाई प्रतिविम्बित गर्न नयाँ ब्राण्ड, पहिचान एवं नवीन ट्याग लाईनको साथ प्रारम्भ गरेको छ ।
रमेश कर्पोरेशन अन्तर्गतको एउटै छत्रछायाँमा विभिन्न क्षेत्रसँग सम्बन्धित कम्पनीहरु समाविष्ट भएका छन् । संस्थापक पिता स्व.रमेश गुप्ताको परिचयबाट सञ्चालित रमेश कर्पोरेशनको नयाँ ट्यागलाइन “फर्वाड टुगेदर” ले वास्तवमा स्वर्गीय गुप्ताले देख्नु भएको भविष्य एवं आदर्शलाई आत्मसाथ समेत गरेको छ । यसले सम्पूर्ण ग्राहक, कर्मचारी, लगानीकर्ता तथा इकोसिस्टम पार्टनरहरुको लागि सामुहिक प्रतिवद्धता र दर्शनलाई प्रतिनिधित्व गर्दछ । ब्राण्डको नयाँ लोगोले एकजुटको भावना तथा सामूहिक रुपमा कार्य गरेमा अगाडि बढ्न सकिने शक्ति प्राप्त हुन्छ भन्ने कुरालाई मूत्र्त रुप दिएको छ ।
“दीर्घकालीन मूल्यको सिर्जना गर्न हामी सबै साझेदारहरुको साथ अगाडि बढिरहेका छौं । यस यात्रामा हामीलाई साथ र सहयोग दिनुहुने सम्पूर्ण सरोकारवालाहरुलाई विशेष धन्यवाद दिन चाहन्छौं, हामीलाई विश्वास छ कि यहाँहरुको साथ र सहयोग हामीलाई निरन्तर मिलिरहने छ । हामी यस यात्रामा नवीन उत्साह एवं दृष्टिका साथ अगाडि बढिरहेका छौं । हामी नवीनताको साथ परिवर्तन, सहयोगात्मक सम्बन्ध निर्माण तथा भविष्यलाई मूत्र्तता प्रदान गर्न कर्मचारी, साझेदार वा ग्राहक सबै बीच विश्वास, सम्मान, पारस्परिक विकास तथा उत्कृष्टतामा आधारित भएका छौं” रमेश कर्पोरेशनका उपाध्यक्ष रोहित गुप्ताले बताएका छन ।
रमेश कर्पोरेशन विभिन्न १० समूह अन्तर्गत स्थापित रमेश कर्पोरेशन व्यावसायिक समूहहरुको एक संगठन हो । कर्पोरेशन नेपालको अग्रणी व्यावसायिक समूहरुको साझा उद्देश्यबाट अभिप्रेरित भई अगाडि बढ्दै आएको छ । पाँच दशक अगाडि हार्डवेर व्यवसायबाट प्रारम्भ भएको रमेश कर्पोरेशन आज जीवनका अधिकांश पक्षहरुलाई समेट्दै आएको छ । प्रारम्भदेखि आयात र टे«डिङ्ग व्यवसाय, दूरसञ्चार र सूचना प्रविधिमा विविध पक्षहरु मार्फत आफ्नो उपस्थिति रहदै आएको यस रमेश कर्पोरेशनले हालसम्म उत्पादन, वित्तीय सेवा, रियलस्टेट, कन्जुमर ड्युरेवल्स, हाइड्रो पावर, माइनिङ्ग जस्ता देहाय कम्पनीहरुलाई आफ्नो संगठन अन्तर्गत समाविष्ट गर्दै आएको छ ।
