हराएको हेलिकोप्टर भेटियो, ६ जनाको मृत्यु, एक जीवितै उद्धार |
काठमाडौं । गोरखाको सामागाउँबाट काठमाडौंका लागि उडेको अल्टिच्युड एयरको हेलिकोप्टर दुर्घटनाग्रस्त अवस्थामा धादिङ र नुवाकोटको सिमानामा फेला परेको छ । उक्त हेलिकोपटरमा क्याप्टेन निश्चल केसीसहित पाँच नेपाली र एक जापानिज सवार रहेकोमा ६ जनाको दुर्घटनास्थलमै मृत्यु भएको छ भने एक जना घाइते अवस्थामा भेटिएकी छिन् ।
हेलिकोप्टरमा को को सवार थिए ?
उक्त हेलिकोप्टर सामागाउँबाट काठमाडौंका लागि उडेकोमा शनिबार बिहान ८ बजेर ५ मिनेट जाँदा सम्पर्कविहीन भएको थियो । सो हेलिकोप्टरमा रामेछापका ४० वर्षीय दिल्लीबहादुर गुरुङ, दोलखाका ३७ वर्षीय हीरा शेर्पा, गोर्खाको चुमनुब्री गाउँपालिका २ का ल्हो आनी डोल्पा डिकी, गोर्खाको सामागाउँ चुमनुब्री सम्दो १ का छोवाङ नुर्बु, सिन्धुपाल्चोकका २२ वर्षीय सुनील तामाङ, पाइलट निश्चल केसी र जापानी नागरिक हिरोमी कोमात्सु रहेका थिए । हेलिकोप्टरमा सवार यात्रुमध्ये ल्हो आनी डोल्पा डिकी मात्र सकुशल भेटिएकी हुन् ।
