नेपालीको लगानीमा निर्माण गरिएको अंग्रेजी चलचित्र ‘द म्यान फ्रम काठमाडौं’ को ट्रेलर सार्वजनिक |
काठमाडौं । नेपालीको लगानीमा निर्माण गरिएको अंग्रेजी चलचित्र ‘द म्यान फ्रम काठमाडौं’ को अफिसियल ट्रेलर र पोस्टर एकसाथ सार्वजनिक भएको छ । अमेरिकाको सिकागोमा आयोजित नेपाली नेसनल कन्भेन्सन २०१८ समारोहमा सिनेमाको ट्रेलर–पोस्टर लन्च गरिएको थियो ।
सार्वजनिक पोस्टरमा सिनेमाका एक मुख्य पात्रको अनुहारलाई मुकुन्डोले छोपिएको छ । पृष्ठभूमिमा नेपाली ऐतिहासिक सम्पदा देख्न सकिन्छ । पेमा धन्डुपको निर्देशनमा बनेको चलचित्र अंग्रेजी भाषामा तयार भएको छ ।
चलचित्रमा आनासँगै अमेरिकी अभिनेता जोसे म्यानुअल, बलिउड अभिनेता गुल्सन ग्रोवर, पाकिस्तानी अभिनेता हमिद शेख, नीर शाह, मिथिला शर्मा, शिशिर बाङ्देल, कर्म शाक्य, आमिर गौतम, साम्तेन भुटिया लगायतको अभिनय छ ।
