इन्टिमेट सिनले भरिएको ‘कथा काठमाण्डु’को ट्रेलर सार्वजनिक |
काठमाडौं । पछिल्लो समय ‘रातको कुराʼ बोलको गीतका कारण चर्को आलोचना र विवादित बनिरहेको चलचित्र ‘कथा काठमाण्डु’ को ट्रेलर सार्वजनिक भएको छ । राजधानीमा एक कार्यक्रमको आयोजना गर्दै निर्माण युनिटले फिल्मको ट्रेलर सार्वजनिक गरेको हो ।
गीतझैं ट्रेलर पनि प्रियंका र प्रमोदको इन्टिमेट सिनले भरिएको छ । सार्वजनिक ट्रेलरमा काठमाडौँ भित्र घटिरहेका तीन पात्रको कुरालाई उठाइएको छ ।
संगीता श्रेष्ठको निर्देशन र लेखनमा बनेको चलचित्रमा प्रियंका कार्की, आयुष्मान देशराज, प्रमोद अग्रहरी, संजोग कोइराला, सन्ध्या केसी, प्रेक्षा अधिकारीको मुख्य भूमिका रहेको छ ।
आहाना फिल्मस्को प्रस्तुति रहेको चलचित्रलाई विजय राईले निर्माण गरेका हुन् । चलचित्रमा लुजा सिंहको छायाङ्कन रहेको छ । यो चलचित्र आउँदो असोज १२ गतेबाट प्रदर्शनको तयारीमा रहेको छ ।
