सिटिजन लाइफको ‘बिजनेस लिडर्स नाइट २०१८’ सम्पन्न |
काठमाडौं (आपास) । सिटिजन लाइफ इन्स्योरेन्सले काठमाडौंमा ‘बिजनेस लिडर्स नाइट २०१८’को आयोजना गर्यो । सो अवसरमा कम्पनीले देशभरका उत्कृष्ट शाखा र आफ्ना सेल्स टिमका सदस्यहरुलाई पुरस्कृत गरेको छ ।
कम्पनीले उत्कृष्ट पाँच शाखा, उत्कृष्ट ऐजण्ट, उत्कृष्ट एजेन्सी मेनेजर, उत्कृष्ट युनिट मेनेजरका साथै कम्पनीका विभिन्न क्लबका सदस्यहरुलाई पुरस्कृत गरेको हो ।
कार्यक्रममा कम्पनीका प्रमुख बजार अधिकृत (सीएमओ) कवि फुयाल, कम्पनीका सद्भावना दूत (ब्राण्ड एम्बास्डर) मदनकृष्ण श्रेष्ठ र हरिवंश आचार्य तथा कम्पनीका अध्यक्ष प्रदिपजङ्ग पाण्डे, कम्पनीका प्रमुख कार्यकारी अधिकृत (सीईओ) पोषक राज पौडेललगायतले आ–आफ्नो मन्तव्य राखो थिए ।
कम्पनीले कर्मचारीलाई उत्प्रेरित गर्न यस्ताखालका विभिन्न कार्यक्रम वर्षेनी आयोजना गर्दै आएको छ ।
