किशोरी बलात्कार गर्ने कञ्चनपुरका दुवै आरोपी पक्राउ | पक्राउ पर्नेमा मानबहादुर विष्ट र जनक खड्का
कञ्चनपुर । गत शुक्रवार बेलुकी कञ्चनपुरको बेलडाँडी गाउँपालिका–१ की एक १६ वर्षीया किशोरीमाथि बलात्कार गरी फरार भएको भनिएका जनक खड्कालाई प्रहरीले पक्राउ गरेको छ । निज खड्कालाई बेलडाँडी क्षेत्रबाटै आइतवार बेलुकी पक्राउ गरिएको जिल्ला प्रहरी कार्यालयले जानकारी दिएको हो । अर्का आरोपी मानबहादुर विष्टलाई प्रहरीले शनिबार पक्राउ गरेको थियो ।
घरमा पूजा भइरहेको बेला बोलाएर मोटरसाइकलमा लगी ती किशोरीलाई बलात्कार गरिएको थियो । पक्राउ परेका दुवै जनाविरुद्ध मुद्दा दर्ता भई थप अनुसन्धान प्रक्रिया अगाडि बढाइएको प्रहरीले बताएको छ ।
