पल र एलिजा अभिनित ‘आटो पिठो’ गीतको म्युजिक भिडिओ सार्वजनिक |
काठमाडौं । चर्चित नायक पल शाह र नायिका एलिजा गौतम अभिनित ‘आटो पिठो’ बोलको गीतको म्युजिक भिडिओ सार्वजनिक भएको छ । उक्त भिडिओ लाईमलाईट नेपालमार्फत सार्वजनिक गरिएको हो ।
अहिलेका सर्वाधिक चलेका र नेपाल आइडलका गायक निशान भट्टराई र गायिका सोनिका लामाको स्वर रहेको उक्त गीतमा नायक शाह र नायिका गौतमको जोडदार अभिनय रहेको छ ।
दीपक शर्माको शब्द, संगीत रहेको उक्त गीतको एरेन्ज भने नरेन्द्र वियोगीले गरेका छन् । भिडिओको छायाँकन भने रामकुमार केसीले गरेका छन् । गम्भिर बिष्टको कोरियोग्राफी रहेको भिडिओको सम्पादन तथा निर्देशन टेकेन्द्र शाहले गरेका हुन् ।
