किशोर खतिवडाको लेखन तथा निर्देशन रहेको चलचित्र ‘एल हाउस’ को ट्रेलर सार्वजनिक |
काठमाडौं । अभिनेता किशोर खतिवडाको लेखन तथा निर्देशनमा तयार भएको नेपाली चलचित्र ‘एल हाउस’ ट्रेलर सार्वजनिक भएको छ ।
सामाजिक विषयमा निर्माण भएको यो चलचित्रको छायांकन लकडाउनकै क्रममा सामाजिक दुरीलाई कायम गर्दै गरिएको थियो ।
यो चलचित्रमा कोरोना रोगको त्राससँगै नेपाली जनताले भोग्नु परेको पीडा एकातिर छ भने घरवेटी र भाडामा बस्ने व्यक्तिको पीडा र ब्यथाबाट सिर्जना भएको समस्यालाई कसरी सरकारले सम्बोधन गर्न सक्छ भन्ने विषयलाई मुख्य आधार बनाइएको निर्देशक तथा लेखक किशोर खतिवडाले बताएका छन् ।
दिवश गुरुङको छायाँकन, देव महर्जनको द्वन्द, शिषम राईको श्रृङगार, राजन महर्जनको कोरियोग्राफी, सुवास देवकोटाको सम्पादन रहेको यो चलचित्रमा किशोर खतिवडा, रनिला श्रेष्ठ, दीप कुलुङ, रितेश श्रेष्ठ, गोविन्द लामा, गंगा कुँवर, महेन्द्रकुमार राई, पदम सुनार, प्रवेश लिम्बु, वसन्त वर्मा तथा बाल कलाकार क्रेजा महर्जनले अभिनय गरेका छन् ।
चलचित्रलाई शत्रुधन अन्सारी तथा राम महर्जनले निर्माण गरेका हुन् भने कला राई यसकी प्रस्तुतकर्ता हुन् ।
चलचित्रका गीतमा शब्द तथा संगीत इश्वर खड्का र छायाँ प्रसाईंको रहेको छ भने राजु लामा स्याङरुङ र कृष्ण प्रसाईंको स्वर रहेको छ ।
