फिल्म ‘डार्क मुन’ सार्वजनिक |
काठमाडौं । रामजी ज्ञवालीको निर्देशन रहेको छोटो फिल्म ‘डार्क मुन’ सार्वजनिक भएको छ । साहिल खान, सूर्या थापा, क्रिजन गौतम, तनुजा कार्की, निशाव लम्साल, यूमी बराललगायतको अभिनय रहेको फिल्म सामाजिक यथार्थ घटना ‘डार्क मुन’ मार्फत देखाउन खोजिएको हो ।
एउटी आमाले सन्तान प्रतिको दायित्व बिर्सदा उनका सन्तानको भविष्य कता तर्फ जान्छ ? भन्ने बिषय मनछुने तरिकाले फिल्ममा प्रस्तुत गरिएको छ ।
व्यक्तिगत खुसीका लागि सन्तानको भविष्य अन्धकार नबनाउऔ भन्ने सन्देश फिल्मले दिने निर्देशक ज्ञावलीले बताए ।
फिल्मको कथा प्रदीप भारद्धाजले लेखेका हुन् । कृष्मा गौतम र सारा भूर्तेलको निर्माण रहेको फिल्ममा नवराज उप्रेतीको छायाँकन, सुदीप बरालको डिओपी, एलिश कार्कीको ब्याकग्राउण्ड स्कोर, बिशाल निरौलाको गायन तथा संगीत र साहिल खानको सम्पादन छ ।
द सेलिब्रेटी टाइम्सले प्रस्तुत गरेको फिल्मले दर्शकबाट सकारात्मक प्रतिक्रिया पाइरहेको छ । निर्देशक रामजीले यसअघि ‘लकडाउन’ नाम छोटो फिल्म सार्वजनिक गरेका थिए । जसलाई दर्शकले रुचाएका थिए ।
