लिवर्टिको आइपीओ ९८ प्रतिशतले आवेदन पर्यो |
काठमाडौं । लिवर्टिको आइपीओमा शुक्रबार साँझ पाँच बजे सम्ममा ९८ प्रतिशत शेयर खरिदको लागि आवेदन परेको छ ।
बिक्री प्रबन्धक एनआइबिएल एस क्यापिटलले दिएको जानकारी अनुसार शुक्रबार साँझ पाँच बजेसम्ममा कम्पनीको आइपीओमा १ लाख १२ हजार २२६ वटा आवेदनमार्फत ३५ लाख ७० कित्ता शेयर खरिदको लागि आवेदन परेको छ । यो सर्वसाधारणमा बिक्रीमा ल्याएको शेयरको ९८.१८ प्रतिशत हो ।
कम्पनीले जारी पूँजीको २५ प्रतिशतले हुन आउने रकम ३७ करोड ५० लाख बराबरको प्रतिशेयर १०० अंकित मूल्यका ३७ लाख ५० हजार कित्तामध्ये स्थानिय बासिन्दाहरुको लागि निष्काशन गरि बिक्री नभएको १३ लाख १५ हजार ९३० कित्ता समेत थप गरी ३५ लाख ६४ हजार ९३० कित्ता आईपीओ सर्वसाधारणमा बिक्रीमा ल्याएको हो ।
प्रतिकित्ता १०० अंकित दरका सो शेयरमा न्यूनतम १० कित्ताका देखि अधिकतम १० हजार कित्ता सम्मको लागि आवेदन दिन सक्नेछन् । निष्काशन बन्द छिटोमा भदौ ७ गते हुनेछ भने यस अवधिमा पर्याप्त आवेदन नपरे भदौ १७ गते सम्म आवेदन खुल्नेछ ।
