गायिका प्रिती कौरको ’रहर’ नामको नयाँ म्युजिक भिडियो सार्वजनिक |
काठमाडौं । गायिका प्रिती कौरले ’रहर’ नामको नयाँ म्युजिक भिडियो सार्वजनिक गरेकी छन् । उनले आफ्नै युट्युब च्यानलमार्फत भिडियो सार्वजनिक गरेकी हुन् ।
कौरले गीतमा अंग्रेजी, संस्कृत र नेपाली गरी तीनवटा भाषा प्रयोग गरेकी छन् । नेपाली संगीतमा यो नौलो परीक्षण भएको गायिका कौरले बताइन् ।
म्युजिक भिडियो कृष्णबहादुर थापा, रोनिश राउत र सजल लोप्चनले खिचेका हुन् भने पोष्ट प्रोडक्सन संघारी स्टुडियोजले गरेको हो । गीतमा कौर आफैंले संगीत दिएकी छन् । गीत लेखन सायद अशोकसँग मिलेर गरेकी हुन् भने संगीत संयोजन विशेष पाण्डेले गरेका छन् ।
गायिका कौरको सबैभन्दा चर्चित गीत ’धेरै पल्ट जीवनमा (२००४)’ हो । उनले ’परेवाको जोडी (२००४)’, ’रिसाउन पाइँदैन (२००४)’, ’बेली डान्सर (२०१५)’ र ’तिम्रै लागि (२०१७)’ बजारमा ल्याइसकेकी छन् । यसका साथै उनले विभिन्न नेपाली चलचित्रमा पार्श्वगायन गरिसकेकी छन् ।
भिडियो हेर्नुस् ː
