टाटा मोटर्सको कार मेला भदौ १ गतेदेखि |
काठमाडौं । टाटा मोटर्सको नेपालका लागि आधिकारिक वितरक सिप्रदी ट्रेडिङले वार्षिक रूपमा आयोजना गर्दै आएको टाटा मोटर्स कार मेला यस पटक भदौ १ देखि ३ गतेसम्म नक्साल बैंकेटमा सञ्चालन हुने भएको छ । मेलाको बिहान ११ बजेदेखि बेलुकी ७ बजेसम्म मेला अवलोकन गर्न सकिने कम्पनीले जानकारी दिएको छ ।
कम्पनीले वार्षिक रूपले आयोजना गर्दै आएको यो मेला छैटौंं संस्करण हो । मेलामा आकर्षक अफरका साथ कार खरीद गर्न सकिने कम्पनीको भनाइ छ ।
मेला अवधिभर गाडी खरीदमा ४ लाख रुपैयाँसम्म नगद छुट, आकर्षक उपहार, एक्स्चेञ्जमा एउटा फ्री वास कुपन, हरेक टेष्ट ड्राइभमा दुईओटा मुभी टिकट, निःशुल्क पूर्ण तथा तेस्रोपक्ष बीमा सुविधा र बुकिङमा एक जोडीलाई यूरोप टूर, एक जोडीलाई थाइल्याण्ड ट्रिपजस्ता अफर प्रदान गरिने कम्पनीले जानकारी दिएको छ ।
मेलामा टाटा प्यासेञ्जर गाडीको प्रदर्शनी, एक्सचेञ्ज सुविधा, अन दि स्पट फाइनान्स र बीमा सुविधा, टेष्ट ड्राइभलगायत कार्यक्रम रहेको कम्पनीले बताएको छ ।
