कर्पोरेट क्षेत्रका प्रमुखलाई तालीम |
काठमाडौं (आपास) । एसेण्ट कन्सल्टिङ सर्भिसको आयोजनामा कर्पोरेट क्षेत्रमा कार्यरत प्रमुखहरूका लागि तालीम कार्यक्रम सम्पन्न भयो । सर्भिसले गतहप्ता राजधानीमा दुई दिने ‘सफलताका लागि रणनीतिक नेतृत्व र ढाँचा’ गोष्ठीको आयोजना गरी उनीहरूलाई विभिन्न विषयमा प्रेरणादायी तालीम प्रदान गरेको हो ।
विभिन्न कम्पनीका सीईओ तथा प्रमुख कर्मचारीहरूको उपस्थिति रहेको उक्त तालीम कार्यक्रममा भारतीय प्रशिक्षक पीएस राठौरले कार्यालय व्यवस्थापन तथा सुशासनसम्बन्धी तालीम प्रदान गरेका थिए । कार्यक्रमले कर्पोरेट क्षेत्रको व्यवस्थापन कार्यलाई थप सुदृढ बनाउन सहयोग पुग्ने आयोजकको विश्वास छ ।
प्रशिक्षक राठौर भारतका उत्तम प्रशिक्षकका रूपमा चिनिन्छन् । प्रसिद्ध चार्टर्ड एकाउण्टेण्ट राठौरको यो चौथो नेपाल यात्रा हो । यसअघि सन् २०१७ मा उनी यही विषयमा तालीम दिन नेपाल आएका थिए ।
