रामकहानीको पोष्टर सार्वजनिक |

काठमाडौं । गीतसंगीत र ट्रेलर सार्वजनिक भए सँगै बजारमा राम्रो रेस्पोन्स पाएको चलचित्र ‘रामकहानी’ को पोष्टर सार्वजनिक गरिएको छ । भदौ २२ गतेबाट रिलिज हुने यो चलचित्रको ट्रेलरले चलचित्रकर्मी र दर्शकलाई उत्सुक पनि बनाएको छ । सुदर्शन थापाको निर्माण तथा निर्देशनमा तयार भएको चलचित्रले कमेडी र प्रेमको कथालाई उठान गरेको छ ।

चलचित्रको पोष्टरमा मुख्य नायक आकाश श्रेष्ठ र नायिका पूजा शर्मालाई देखाइएको छ । साथमा, चलचित्रका मुख्य हाँस्य कलाकार केदार घिमिरे, जितु नेपाल, रविन्द्र झा र विल्सन विक्रम राइलाई पनि चलचित्रको पोष्टरमा देख्न सकिन्छ । सवा २ घन्टा लामो यो चलचित्रले दर्शकलाई मनोरञ्जनका साथै सरप्राइज पनि दिने निर्माण पक्षको भनाई छ ।