तीन थान कस्तुरीको बिनासहित चार जना पक्राउ |
काठमाडौं (आपास) । प्रहरीले कस्तुरीको बिनासहित चार जनालाई पक्राउ गरेको छ । काठमाडौं महानगरपालिका– २७ ज्याठामा कस्तुरीको बिना विक्रीवितरण हुादै गरेको सूचना पाएपछि दरवारमार्गबाट खटिएको प्रहरी टोलीले बुधबार साँझ ती चार जनालाई पक्राउ गरेको हो ।
पक्राउ पर्नेहरुमा काभ्रेको भुम्लु घर भई हाल स्वयम्भु बस्ने २८ वर्षीय दीपक, रामेछापको गोकुलगंगा घर भई हाल सिनामंगल बस्ने १८ वर्षीय अर्पण, रामेछापकै बेथान बस्ने १७ वर्षीय उज्ज्वल र सल्यानको कालागाउँ घर भई हाल चाबहिल बस्ने २२ वर्षीय जीवन बस्नेत रहेका छन् ।
प्रहरीले पक्राउ पर्नेमध्ये अर्पण सुनुवारको साथबाट कस्तुरीको बिना ३ थान बरामद भएको प्रहरीले जानकारी दिएको छ । उनीहरुलाई थप अनुसन्धानका लागि महानगरीय प्रहरी वृत्त दरवारमार्गमा लल्याएर अनुसन्धान शुरू गरिएको प्रहरीले बताएको छ ।
