लकडाउनका बिचमै बन्यो छोटो फिल्म ‘लकडाउन’ (भिडियो सहित) |
काठमाडौं । कोरोना भाइरसको त्रासका कारण विगत एक महिनादेखि देशभर गरिएको लकडाउन अहिले पनि जारी छ । लकडाउनका कारण सर्वसाधारण, भिआइपीदेखि सेलिब्रेटीसम्म घरभित्र रहन बाध्य छन् ।
लकडाउनका कारण सबैक्षेत्रको गतिविधि अहिले ठप्प भएको छ । यस्तो अवस्थामा पनि अभिनेता सन्दीप क्षेत्री ‘लकडाउन’ नामक छोटो फिल्म निर्माण गरेका छन् ।
सन्दीपले आफ्नै लेखन तथा कथामा फिल्म तयार पारेका हुन् ।
फिल्ममा वरिष्ठ कलाकारहरु मदनकृष्ण श्रेष्ठ, हरिवंश आचार्य, दीपक राज गिरी, दीपाश्री निरौला, किरण के.सी, निर्मल शर्मा, संजय श्रेष्ठ, संदिप क्षेत्री लगायतको अभिनय समेटिएको छ ।
लकडाउनको बेला घरबाहिर निस्कन मन लागेको एक युवाको कथा समेटिएको फिल्म घर भित्रै सुटिङ गरिएको हो ।
