हुण्डाई एक्सचेन्ज क्याप आजदेखि, साढे १ लाखसम्मको बोनस दिइने |
काठमाडौं । लक्ष्मी इण्टरकण्टिनेण्टल प्रालिको देशव्यापी हुण्डाई एक्सचेञ्ज मेला आजदेखि शुरू भएको छ । बिहान १० बजेदेखि साँझ ६ बजेसम्म सञ्चालन हुने उक्त कार्यक्रम साउन २० गतेसम्म आयोजना गरिने कम्पनीले जानकारी दिएको छ ।
मेलामा एक्सचेञ्ज अफरका साथै स्पट एक्स्चेञ्ज एण्ड भ्यालुएसन, इजी फाइनान्स एण्ड इन्स्योरेन्स र क्यास डिस्काउण्ट दिइने कम्पनीले बताएको छ । साथै, लोयालिटी बोनस २० हजार रुपैयाँबराबरको र एक्सचेञ्ज बोनस १ लाख ५० हजार रुपैयाँसम्म दिइने कम्पनीले जानकारी दिएको छ । उक्त मेला नेपालका सम्पूर्ण डिलर नेटवर्कमा उपलब्ध हुने कम्पनीले जानकारी दिएको छ ।
कम्पनीका अनुसार मेलामा ४ वर्षको फ्री सर्भिस, ३ वर्षको वारेण्टी र आकर्षक उपहारहरू हरेक टेष्ट ड्राइभमा प्रदान गरिनेछ । टेष्ट ड्राइभ गर्ने ४ लक्की विजेतालाई टेष्ट ड्राइभ एण्ड वीन योजनाअन्तर्गत कुलप्याड प्ले ६ स्मार्टफोन प्रदान गरिनेछ ।
कम्पनीका सहायक महाप्रबन्धक, विक्री तथा बजार व्यवस्थापक रूपेश शर्मा भट्टले भने, ‘ग्राहकहरूलाई उत्कृष्ट सुविधा प्रदान गर्न कम्पनी तल्लीन छ । यस कार्यक्रमले ग्राहकहरूलाई उत्कृष्ट एक्सचेञ्ज योजना र आफ्नो सवारीसाधन अभिवृद्धि गर्ने सुवर्ण अवसर प्रदान गर्नेछ ।’
लक्ष्मी इण्टरकण्टिनेण्टल प्रालि हुण्डाई गाडीको नेपालका लागि आधिकारिक विक्रेता हो ।
