नवलपरासीको बर्दघाटमा यामाहाको शोरूम |
काठमाडौं (आपास) । एमएडब्ल्यू इण्टरप्राइजेजले शुक्रवारदेखि नवलपरासीको बर्दघाटमा नयाँ शोरूम सञ्चालनमा ल्याएको छ । कम्पनीले त्रिवेणी अटोमोबाइल्स नामको नयाँ शोरुम सञ्चालनमा ल्याएको हो ।
कम्पनीले यो शोरुममार्फत यस क्षेत्रका ग्राहकलाई ‘थ्री एस’ ९सेल्स, सर्भिस र स्पेयर पार्ट्स० को सुविधा उपलब्ध गराउने बताएको छ । नयाँ शोरूमको उद्घाटन बर्दघाट नगरपालिकाका प्रमुख धीरज बस्यालले गरेका हुन् । यो क्षेत्रमा यामाहा मोटरसाइकल तथा स्कूटरको बढ्दो मागलाई दृष्टिगत गरी शोरूम स्थापना गरिएको कम्पनीले जानकारी दिएको छ ।
त्रिवेणी अटोमोबाइल्सबाट ग्राहकले यामाहाका मोटरसाइकल र स्कूटरको ‘थ्रीएस’सहित एक्सचेञ्ज र फाइनान्सको सुविधासमेत उपलब्ध गराउने कम्पनीले बताएको छ । एमएडब्ल्यू इण्टरप्राइजेज नेपालका लागि यामाहा मोटरसाइकलको आधिकारिक विक्रेता हो ।
