हेटौंडामा कैलाशको शाखा |

 
काठमाडौं (आपास) । कैलाश विकास बैङ्कले शाखा विस्तार गर्ने क्रममा मकवानपुरको हेटौंडामा नयाँ शाखा सञ्चालन गरेको छ । उक्त शाखाको सोमवार नेपाल उद्योग वाणिज्य महासङ्घका केन्द्रीय सदस्य राजकुमार न्यौपानेले उद्घाटन गरेका हुन् । यो बैङ्कको ५२औं शाखा हो ।
थप शाखा सञ्चालनले स्थानीय व्यवसायी तथा सर्वसाधारणलाई वित्तीय कारोबार गर्न सहज हुने बैङ्कका प्रमुख कार्यकारी अधिकृत अमृतचरण श्रेष्ठले बताए । स्थानीय तहमा छरिएर रहेको बचत परिचालन गरी सोही क्षेत्रका उद्योग व्यवसायमा टेवा पु¥याउने उद्देश्यले शाखा सञ्चालन गरिएको उनको भनाइ थियो । बैङ्कले निकट भविष्यमा धनुषाको जनकपुर, नवलपरासीको कावासोती र वर्दघाट तथा अन्य विभिन्न ठाउँमा शाखा सञ्चालनको तयारी गरेको उनले जानकारी दिए ।