‘भ्वइस अफ नेपाल’ डिशहोमको रमाइलो टीभीमा |

काठमाडौं (आपास) । डिशहोमले पछल्लो समय आफ्ना ग्राहकका लागि आफ्नै च्यानल प्रसारण गरिरहेको छ । कम्पनीले राष्ट्रिय, अन्तरराष्ट्रिय टेलिभिजन च्यानलका साथै हालैदेखि आफ्नै च्यानल ‘रमाइलो टीभी’ प्रसारण गर्न थालेको हो ।
डिशहोमको आप्mनै च्यानल रमाइलो टीभीमा नेपाली हास्य शृङ्खला, नेपालीमा अनुवाद गरिएका चर्चित हिन्दी टेलिशृङ्खला, साङ्गीतिक कार्यक्रम प्रसारण भइरहेका छन् । रमाइलो टीभीको थप आकर्षणका रूपमा नेदरल्याण्डको बहुचर्चित गायन रियालिटी शो ‘दि भ्वइस’को नेपाली संस्करण ‘भ्वइस अफ नेपाल’ प्रसारण हुने भएको छ ।
साउनको पहिलो हप्तादेखि प्रसारण हुने यस कार्यक्रमको प्रथम संस्करणमा ३० भागसम्म प्रसारण गरिने बताइएको छ ।