सहकारी नियमन प्राधिकरणको अध्यक्षको जिम्मेवारी सहकारी सचिव पोखरेललाई

काठमाडौं । सरकारले राष्ट्रिय सहकारी नियमन प्राधिकरणको अध्यक्षको जिम्मेवारी भूमि व्यवस्था, सहकारी तथा गरिबी निवारण मन्त्रालयका सचिव अर्जुनप्रसाद पोखरेललाई दिएको छ ।

यस्तै राष्ट्रिय विपद् जोखिम न्यूनीकरण तथा व्यवस्थापन प्राधिकरणको कार्यकारी प्रमुख नियुक्ति गर्न गठित सिफारिस समितिको कार्यावधि ३५ दिन थप गर्ने निर्णय गरेको छ । प्राधिकरणका कार्यकारी प्रमुख अनिल पोखरेलको कार्यकाल सकिएपछि कार्यकारी प्रमुखको पद रिक्त छ ।