भारतमा सस्तो कल गर्न टेलिकमले परिमार्जन गर्यो महसुल र पल्सदर
काठमाडौँ । नेपाल टेलिकमले सस्तो दरमा भारतमा कल गर्न एक्सेस कोड १४२४ को महसुल दर तथा पल्स दर परिमार्जन गरेको छ ।
टेलिकमका अनुसार विगतदेखि नै भारतमा सस्तो दरमा कल गर्नका लागि लागू गरेका विभिन्न विकल्पहरू मध्ये १४२४ को प्रयोग गरेर हुने वाह्यगमन कलको नयाँ महसुल दर निर्धारण गरिएको हो ।
नेपाल दूरसञ्चार प्राधिकरणबाट स्वीकृत भई मिति २०८१/०९/१५ गते राति १२:०० बजेदेखि लागू हुने गरी १४२४ को महसुल दर करबाहेक प्रति मिनेट ३.७६ कायम गरिएको हो ।
यसका साथै १४२४, १४२५ र १४४५ को प्रयोग गरेर भारतमा हुने वाह्यगमन कलको पल्स दर ६० सेकेण्ड निर्धारण गरिएको छ ।
