काठमाडौं मोडेल माविको रजत जयन्तीमा ‘मिनी म्याराथन’

काठमाडौं । काठमाडौं मोडेल माध्यमिक विद्यालयले स्थापनाको २५औं वर्षलाई रजत महोत्सवका रूपमा भव्यतापूर्वक मनाएको छ । विद्यालयले २९ मंसिरमा औपचारिक कार्यक्रको आयोजना गरी रजत जयन्ती मनाएको हो ।

सो अवसरमा विद्यालयले ६.३ किलोमिटर दूरीको मिनी म्याराथन प्रतियोगिता आयोजना गरेको थियो । उक्त दौडमा ३ हजार ५ सय बढी विद्यार्थीको सहभागिता रहेको थियो । म्याराथन प्रतियोगितामा राष्ट्रिय म्याराथन धावक बैकुण्ठ मानन्धरको समेत उपस्थिति रहेको थियो ।

म्याराथन दौडमा छात्रतर्फ अभिषेख मगर प्रथम, सुदिप थपलिया द्वितीय र निराजन पुन तृतीय भएका थिए भने छात्रातर्फ निकिता कुँवर प्रथम, कृष्टिना कतिला द्वितीय र निर्मला वि.क. तृतीय स्थान प्राप्त गर्न सफल भएका थिए ।

दुवैतर्फ प्रथम, द्वितीय र तृतीय हुनेलाई क्रमशः १० हजार, पाँच हजार र तीन हजार रुपैयाँका दरले नगद पुरस्कार मेडल र प्रमाण–पत्र प्रदान गरिएको थियो ।