राष्ट्रसंघको आर्थिक तथा वित्तीय कमिटीको अध्यक्षमा नेपाल पहिलोपटक निर्वाचित

राष्ट्रसंघको आर्थिक तथा वित्तीय कमिटीको अध्यक्षमा नेपाल पहिलोपटक निर्वाचित
काठमाडौं । नेपाल पहिलोपटक संयुक्त राष्ट्रसंघको ७५औं महासभाको आर्थिक तथा वित्तीय कमिटीको अध्यक्षमा निर्वाचित भएको छ । पहिलोपटक नेपालका तर्फबाट राष्ट्रसंघका लागी नेपाली नियोगका स्थायी प्रतिनिधि अमृत राई सर्वसम्मतिले निर्वाचित भएका हुन् । 
 
राष्ट्रसंघ महासभामा हुने ६ वटा मुख्य कमिटीमध्ये उक्त कमिटी पनि निकै महत्वपूर्ण मानिन्छ । यो कमिटीको नेतृत्व गरेसँगै अन्तर्राष्ट्रिय क्षेत्रमा नेपाललाई सकारात्मक भूमिका निर्वाह गर्ने महत्वपूर्ण अवसरको ढोका खुलेको न्युयोर्कस्थित नेपाली नियोगले जनाएको छ ।
 
विश्वका अल्पविकसित देशहहरुले सामना गर्र्दै आइरहेका समस्याहरुमा केन्द्रीत हुने भएकोले पनि आर्थिक तथा वित्तिय कमिटीको महत्व बढेको छ । अल्पविकसित मुलुकहरुले सामाना गर्दै आइरहेका समस्या, विकास, गरिबी उन्मूलन, व्यापार, विश्वव्यापीकरण, अन्तर्र्राष्ट्रिय वित्तीय प्रणाली, विकासका लागि सूचना तथा प्रविधि, जलवायु परिवर्तन लगायतका विषय यस कमिटीले हेर्ने गरेको छ । नेपालका लागि यसलाई एउटा महत्वपूर्ण अवसरका रुपमा लिइएको छ ।
 
 
No comment yet. Be the first one to comment.
ताजा अपडेट
लोकप्रिय