कन्नड फिल्मका चर्चित अभिनेता चिरञ्जिवीको ३९ वर्षमा निधन

कन्नड फिल्मका चर्चित अभिनेता चिरञ्जिवीको ३९ वर्षमा निधन
कन्नड फिल्मका चर्चित अभिनेता चिरञ्जिवी सरजाको आइतबार दिउँसो हृदयघातका कारण बेंगलुरुको एक नीजि अस्पतालमा निधन भएको छ । उनी ३९ वर्षका थिए । खबरका अनुसार उनको कोभिड–१९ परीक्षण पनि गरिएको छ जसको रिपोर्ट हाल प्राप्त भएको छैन ।
 
भारतीय सञ्चार माध्यमका अनुसार दिउँसो करिब १ बजे उनी फोनमा आफ्ना पितासँग कुरा गरिरहेका थिए, त्यति नै बेला उनलाई पसिना आउन थाल्यो र उनी अचानक ढले । उनलाई तत्काल अस्पताल पुर्याइयो जहाँ उनलाई मृत घोषित गरियो ।
 
उनको अन्तिम संस्कार आज सोमबार गरिने कार्यक्रम छ ।
 
चिरञ्जिवीको निधनको खबर फैलने बित्तिकै बेंगलुरुस्थित अपोलो अस्पताल बाहिर उनका प्रशंसकको भीड लाग्न सुरु भयो ।
 
फिल्मी परिवारसँग सम्बन्ध राख्ने चिरञ्जिवीले सन् २००९ मा कन्नड फिल्म ‘वायुपुत्र’ मार्फत् डेब्यू गरेका थिए । आफ्नो करियरमा उनले २२ वटा कन्नड फिल्ममा काम गरे । उनको अन्तिम रिलिज भएको फिल्म ‘शिवार्जुन’ थियो जुन लकडाउन हुनु केहि दिनअघि रिलिज भएको थियो । उनका हजुरबुवा शक्ति प्रसाद र काका अर्जुन सरजा पनि फिल्मी स्टार हुन् । यस्तै, उनका भाइ ध्रुव सरजा पनि यो क्षेत्रमा निकै सक्रिय हिरो हुन् ।
 
चिरञ्जिवीको जन्म १७ अक्टोबर सन् १९८० मा भएको थियो । उनको विवाह दुई वर्ष अघि भएको थियो । उनले सन् २०१८ को मे २ मा कन्नड फिल्म अभिनेत्री मेघना राजसँग विवाह गरेका थिए ।
 
No comment yet. Be the first one to comment.
ताजा अपडेट
लोकप्रिय