प्यारामाउन्ट मोटर्सको स्पष्टिकरण ː ग्राहकले अग्रिम बुकिङ्ग गरेका विद्युतीय सवारीको आयात गरेका हौं

 प्यारामाउन्ट मोटर्सको स्पष्टिकरण ː ग्राहकले अग्रिम बुकिङ्ग गरेका विद्युतीय सवारीको आयात गरेका हौं
काठमाडौँ । हालै विभिन्न संचार माध्यमहरुमा प्रकाशित यस संस्था र विद्युतीय सवारी साधन सम्बन्धि विभिन्न समाचारहरु प्रति कम्पनीको ध्यानाकर्षण भएको छ । समाचारहरुमा सरकारी सूचना चुहावट गरी∕गराई अनावश्यक लाभ लिन बजेटको एक दिन अगाडि सवारी साधन भित्र्याउन यो संस्थाको भूमिका रहेको भन्ने कपोलकल्पित नकारात्मक समाचारहरुले अनावश्यक भ्रम फैलाउनुका साथै आफ्नो मान प्रतिष्ठामा पनि आँच पुर्याएको बताएको छ । त्यसैले यस बिषयमा ग्राहकवर्ग एवं जनसमुदायलाइ त्यस्ता भ्रामक समाचारहरुबाट विचलित नहुनका लागि एक विज्ञप्ति प्रकासित गरी अनुरोध गरेको छ ।  
 
‘पारामाउन्ट मोटर्सले सधैं आफ्ना ग्राहकको हितमा समर्पित रहेर सेवा पुर्याउदै आइरहेको छ र आगामि दिनमा पनि त्यसरी नै सेवा पुर्याउन प्रतिबद्ध रहेको सबैलाई विश्वास दिलाउन चाहन्छौं ।’ कम्पनीको भनाई छ । 
 
कम्पनीले केहि महिना अगाडि ग्राहकले अग्रिम बुकिङ्ग गरेको आधारमा एमजी मोटर्सका विद्युतीय सवारी साधनको प्रतितपत्र (एलसी) खोलि आयात गरेको बताएको छ । सोहि क्रममा ती सवारी साधनहरु नेपाल भित्रिन थालेका थालेका हुन । यसरी विभिन्न समयमा खोलिएका प्रतितपत्र अन्तर्गतका सवारी साधन नेपाल ल्याउने क्रममा नेपाली सीमामा आई पुगेका थिए र भन्सार छुटाउनु अघि ड्राइ पोर्टमा धेरै दिन कन्टेनरमा सवारी साधन राख्नु पर्दा ढिलाई बापतको क्षति (म्झगचचबनभ) शुल्क तिर्नु पर्ने हुनाले हामीले सधैं समयमै भन्सार छुटाई सवारी साधनलाई नेपाल भित्र्याउने गरेका छौं, कम्पनीको विज्ञप्तीमा उल्लेख छ । 
       
 

LC नं

LC मिति

सवारी साधन संख्या

भन्सार छुटाएको मिति

EB0020FOU00738 

२९ कार्तिक २०७६   

१५

२०७७ बैसाख १७ गते               

EB0020FOU00756

१३ मंसिर २०७६ 

३०

२०७७ बैसाख १७ गते

EB0020FOU00775 

०८ पौष २०७६ 

७५

२०७७ जेष्ठ ०७ गते  

 
कम्पनीको सबै सवारी साधन केहि महिना अगाडि नै नेपाल आई पुग्नु पर्ने थियो तर कोभिड१९ का कारण ढिलाई हुन पुग्यो त्यसैले बजेटलाई मध्ये नजर गरि झिकाईएको भन्ने समाचार पनि गलत भएको कम्पनीको भनाई छ । 
 
‘कम्पनीले विभिन्न मितिमा सबै सवारी साधन चलान गरि नेपाल पठाएकोले त्यसरी नै हामीले प्राप्त गरेको र सोहि अनुसार भन्सार छुटाई नेपाल भित्राएका हौँ । हामीले हाम्रा ग्राहकले अग्रिम बुकिङ्ग गरेका माथि उल्लेखित १२० यी सबै सवारी साधन सोहि बुकिङ्ग मुल्यमा नै बुकिङ्ग प्राथमिकताको आधारमा आफ्ना ग्राहकलाई हस्तान्तरण गर्ने र यसमा नयाँ भन्सार दरबाट पर्न आउने कुनै पनि असर नपर्ने हुँदा विभिन्न समाचार मार्फत यस कम्पनीलाई बढेको करबाट अनावश्यक फाइदा लिन खोजेको भनेर लगाइएको आरोप गलत र झुटो रहेको स्पष्ट पार्न चाहन्छौं ।’ कम्पनीले भनेको छ । 
 
पारामाउन्ट मोटस प्रालिका जनरल म्यानेजर सचिन अर्याल भन्छन, “पारामाउन्ट मोटर्सबारे पछिल्ला केहि दिनमा संचारमाध्यममा प्रकाशित समाचारहरुले हामीलाई निराश बनाएको छ । एमजी मोटर्सका गाडी नेपाल भित्रिनु र बजेट भाषणसँग यसको कुनै सम्बन्ध नरहेको पनि यहाँहरु समक्ष जानकारी गराउन चाहान्छौं । हामीले सम्पूर्ण प्रक्रिया पुरा गरेर प्रतितपत्र अनुसार ड्राइ पोर्टमा पुगेका गाडीहरु भित्र्याएका हौं र हामी सधैं पारदर्शी नैतिक व्यवसाय गर्न समर्पित रहेको पुनः ध्यानाकर्षण गराउन चाहन्छौं । साथै यो कम्पनी आफ्ना ग्राहकको हितमा समर्पित रहेर उच्च स्तरिय सेवा पुर्याउन सदैव कटिवद्द रहेको र रहिरहने पनि अवगत गराउछौं । र, संचारमाध्यमहरुमा आएका भ्रामिक समाचारहरुले ग्राहकवर्गमा नकारात्मक सन्देश प्रवाह हुने हुँदा समग्र संचारकर्मीहरुलाई समाचारको सत्य तथ्य बुझेर प्रकाशन गरिदिनु हुन आग्रह गर्दछौं ।”
 

 

No comment yet. Be the first one to comment.
ताजा अपडेट
लोकप्रिय