गढीमाई मेलामा अहिलेसम्मकै बढी घुइँचो, ६० लाख भन्दाबढी भक्तजनद्वारा पूजाअर्चना

गढीमाई मेलामा अहिलेसम्मकै बढी घुइँचो, ६० लाख भन्दाबढी भक्तजनद्वारा पूजाअर्चना
बारा । बाराको गढीमाई नगरपालिका–१ मा रहेको गढीमाईको मेलामा अहिलेसम्मकै सबै भन्दा बढी घुइँचो लागेको छ । नेपाल, भारत र सार्क राष्ट, दक्षिण एशियाबाट गरी करीब ६० लाख भन्दा बढी भक्तजनले मेला अवलोकन गर्नुका साथै पूजाअर्चना गरेका मन्दिरका मुख्य पूजारी मङ्गल चौधरीले बताए ।
 
मेलामा आउने करीब नौ बाटामा गाडी र पैदल हिँड्ने भतmजनको उत्तिकै भीड रहेको महागढीमाई नगरपालिकाअन्तर्गत रहेको पतरहटीका सन्तोष यादवले जानकारी दिए । भारतको दिल्ली, बुम्बई, कोलकता, हैदरावाद, पटना, मोतिहारी दरभङ्गा, सितामडी, बेतिया, रक्सौल, नेपालको पूर्व मेचीदेखि पश्चिम महाकालीसम्म र सार्कका बङ्गलादेश, ढाका, पाकिस्तान, बर्माका भक्तजन अवलोकन गर्न आउने गरेका गढीमाई मन्दिर सञ्चालन तथा विकास समितिका अध्यक्ष रामचन्द्र साहले बताए । 
 
यसैबीच सोमबार राति साढै १ː०० बजे तािन्त्रक विधिबाट पूजापाठ गर्न शुरु गरेपछि साढे ३ː०० बजे करीब दुई घण्टामा बत्ति बलेपछि अन्यविधि गरेसकेपछि आज ७ː१५ बजेदेखि बलि शुरु गरिएको पूजारी चौधरीले बताए । करिब पाँच हजार भन्दा बढी राँगाको बलि दिइएको बताइएको छ ।
 
मेलामा जताततै फोहर नै फोहर रहेको भक्तजनले गुनासो गरेका छन् । शौचालय बस्ने ठाउँ र नुहाउने ठाउँको राम्रो प्रबन्ध नमिलाइएको दर्शनार्थीहरुले बताएका छन् । 
 
पाकेटमारले मोबाइल, सुन–चाँदीका गहना, नगदसमेत चोर्ने गरेका प्रहरी निरीक्षक वीरेन्द्र ठाकुरले बताए । यसैबीच मन्दिरका पूजारी मङ्गल चौधरीले बोका बलि बुधबार मात्र गरिने बताए । बिहान ४ː०० बजेदेखि बलि शुरु हुने पूजारी चौधरीले जानकारी दिए ।
 
No comment yet. Be the first one to comment.
ताजा अपडेट
लोकप्रिय