सीको भ्रमणबाट दुई देशको सम्बन्धले नयाँ उचाइ र गतिशिलता पायो ː प्रधानमन्त्री ओली

सीको भ्रमणबाट दुई देशको सम्बन्धले नयाँ उचाइ र गतिशिलता पायो ː प्रधानमन्त्री ओली
काठमाडौं । प्रधानमन्त्री केपी शर्मा ओलीले उत्तरी छिमेकी चीनका राष्ट्रपति सी चिनफिङको नेपाल भ्रमण भव्य रूपमा सफल भएको बताएका छन् ।
 
 आइतबार दिउँसो राष्ट्रपति सीलाई त्रिभुवन विमानस्थलमा विदाइ गरेलगत्तै सामाजिक सञ्जाल ट्वीटरमा प्रधानमन्त्री ओलीले लेखेका छन्( मित्रराष्ट्र जनवादी गणतन्त्र चीनका महामहिम राष्ट्रपति सी चिनफिङको दुई दिवसीय ऐतिहासिक नेपाल भ्रमण भव्य रूपमा सम्पन्न भएको छ। उहाँको भ्रमणबाट दुई देशबीचको सम्बन्धले नयाँ उचाई र गतिशीलता प्राप्त गरेको छ ।
 
प्रधानमन्त्री ओलीले  नेपाल भ्रमण गरी नेपाल र नेपाली जनताप्रति देखाउनु भएको सद्भाव र सदिच्छाका लागि सीप्रति आभार व्यक्त गरेका छन् ।
 
‘भ्रमणलाई अभूतपूर्व रुपमा सफल पार्न लागि पर्नुहुने सम्पूर्ण नेपाली दिदीबहिनी तथा दाजुभाइप्रति हार्दिक धन्यवाद ज्ञापन गर्दछु,’ प्रधानमन्त्रीले भनेका छन् ।
 
राष्ट्रपति विद्यादेवी भण्डारीको निमन्त्रणामा सी शनिबार नेपाल आएका थिए। उनी पछिल्लो २३ वर्षमा नेपालको भ्रमण गर्ने पहिलो चिनियाँ राष्ट्रपति हुन् ।
 
No comment yet. Be the first one to comment.
ताजा अपडेट
लोकप्रिय