फेसबुकमाथि ५ अर्ब डलर जरिवाना लाग्यो

फेसबुकमाथि ५ अर्ब डलर जरिवाना लाग्यो
काठमाडौं । अमेरिकी नियमकले फेसबुकलाई ५ अर्ब डलर जरिवना गर्न अनुमति दिएको छ । अमेरिकी मिडियामा प्रकाशित खबरहरुका अनुसार डेटा गोपनियता उल्लंघन गरेको मुद्दामा यो जरिवाना तिराउन अनुमति दिइएको हो ।
 
केम्ब्रिज एनालिटिकाले फेसबुकबाट ८ करोड ७० लाख प्रयोगकर्ताको तथ्यांक प्राप्त गरेको मुद्दामा फेडरल ट्रेड कमिसन (एफटीसी) ले अनुसन्धान गरिरहेको छ ।
 
द वाल स्ट्रीट जर्नलका अनुसार एफटीसीमा सत्तारुढ रिपब्लिकन समर्थकहरु फेसबुकलाई ५ अर्ब डलर जरिवाना गराउने पक्षमा थिए भने डेमोक्र्याटहरु विपक्षमा । यो जरिवानालाई न्याय मन्त्रालयले स्वीकृत गर्न बाँकी छ ।
यसो भएमा कुनै पनि प्रविधि कम्पनीमाथि एफटीसीले लगाएको सबैभन्दा ठूलो जरिवाना हुनेछ ।
 
तर यसबारे अहिलेसम्म फेसबुक र एफटीसी दुबैले टिप्पणी गर्न अस्वीकार गरेको बीबीसीले जनाएको छ ।
 
No comment yet. Be the first one to comment.
ताजा अपडेट
लोकप्रिय