प्रभु टीभीले शुरु गर्यो मोबाइलमा टीभी हेर्ने सेवा

आर्थिक पाटी संवाददाता
२०७६-०३-२५ बिचार / प्रतिक्रिया
प्रभु टीभीले शुरु गर्यो मोबाइलमा टीभी हेर्ने सेवा
काठमाडौं । नेपालको अग्रणी बिजनेस ग्रुप प्रभु समूहले मोबाइलमै टेलिभिजन हेर्ने (ओटीटी) सेवा शुरु गरेको छ । टेरिष्टोरियल प्रबिधिमा आधारित टेलिभिजन बितरण सेवा ‘प्रभु टीभी’ समेत सञ्चालन गरिरहेको यो समूहले अब इन्टरनेटका माध्यमबाट मोबाइलमा पनि टीभी हेर्न मिल्ने सेवा शुरु गरेको छ ।
 
प्रभु टीभीको मोबाइल एप्लिकेसन डाउनलोड गरी अब ग्राहकले मोबाइल, ट्याबलेट तथा ल्यापटपमा समेत देश तथा बिदेशका टेलिभिजन हेर्न पाउने छन् । यसका लागि प्रभु समूहले हाल मोबाइल एप्लिकेसनमार्फत् टीभी सञ्चालन गरिरहेको नेट टीभीको ओटीटी प्लेटर्फम खरिद गरेको छ ।
 
 
पाँच लाख बढि ग्राहकले डाउनलोड गरिसकेको नेट टीभी एप अब प्रभु टीभीका रूपमा रिब्रान्डिङ भएको छ । नेट टीभीका ग्राहकहरुले प्रभु टीभीको एप्लिकेसन डाउनलोड गरी पहिलेको सेवा निर्वाध प्रयोग गर्न पाउनेछन् ।
 
मोबाइल टीभी सेवा खरीद गर्न प्रभु पे डाउनलोड गरी आवश्यक भुक्तानी गर्न सकिनेछ साथै निकट भविष्यमा एनसेल, नेपाल टेलिकम र स्मार्ट सेल मोवाईल सेवाबाट समेत भुक्तानी गरी सेवा प्राप्त गर्न सकिनेछ ।
 
प्रभु टीभी एपमा प्रयोगकर्ताले स्वदेशी तथा बिदेशी च्यानलको लाइभ प्रसारण हेर्न सक्नेछन भने मन परेका कार्यक्रम रेकर्ड पनि गर्न सक्छन । साथै ग्राहकले अन डिमान्ड फिल्म पनि हेर्न पाउनेछन् ।
 
प्रभु टीभीले आगामी दिनमा इन्टरनेटमार्फत् टीभी बितरण सेवा९आइपीटीभी० समेत आरम्भ गर्ने तयारी गरिरहेको छ । आइपी टीभी सेवा सुरु भएपछि ग्राहकले टीभी सेट, मोबाइल तथा ल्यापटमा समेत टीभी हेर्न पाउनेछन् भने एउटै केवलमार्फत् टीभीसँगै इन्टरनेट सेवा पनि प्राप्त गर्नेछन् ।
 
सुरुवातमा प्रभु टिभिले काठमाण्डौ उपत्यका, चितवन र पोखरा लगायतका स्थानहरुमा आफ्नो सेवा प्रदान गरेको थियो । त्यसपछि सुनसरी, धरान, दमक, भैरहवा, बुटवल, नवलपरासी र कपिलबस्तु लगायतका स्थानहरुमा समेत आफ्नो सेवा प्रारम्भ गरिसकेको प्रभु टीभीले जनकपुर र बीरगन्जमा सेवा शुरु गर्ने तयारी गरिरहेको छ ।
 

Your view / comment

फेसबुकबाट तपाईको प्रतिक्रिया

बिचार / प्रतिक्रिया

No comment yet. Be the first one to comment.
बजार सम्बन्धित शीर्षकहरु
संसारको उत्कृष्ट ब्राण्डमा हिमालयन डगच्यु

संसारको उत्कृष्ट ब्राण्डमा हिमालयन डगच्यु

काठमाडौं मेरिएट होटलद्वारा राजस्थानी भोजन मेवार र मारवार फुड फेस्टिभल आयोजना

काठमाडौं मेरिएट होटलद्वारा राजस्थानी भोजन मेवार र मारवार फुड फेस्टिभल आयोजना

इसेवामा खाता खोल्नेको संख्या २० लाख नाघ्यो, मर्चेन्टको संख्या २५ हजारभन्दा माथि

इसेवामा खाता खोल्नेको संख्या २० लाख नाघ्यो, मर्चेन्टको संख्या २५ हजारभन्दा माथि

ग्यास दुर्घटना न्यूनीकरण गर्न उद्योगीहरुले सचेतना कार्यक्रम गर्ने

ग्यास दुर्घटना न्यूनीकरण गर्न उद्योगीहरुले सचेतना कार्यक्रम गर्ने

ताजा अपडेट
लोकप्रिय