सुजुकीले ल्यायो सुपर क्यारीमा विशेष अफर

सुजुकीले ल्यायो सुपर क्यारीमा विशेष अफर
काठमाडौं । सीजी अटोमोटिभ्स डिभिजन अन्तर्गतको सीजी होल्डिङ्गस् तथा  सुजुकी फोर ह्वीलर्स नेपालले सुजुकी सुपर क्यारीमा विशेष अफर ल्याएको छ ।  कम्पनीले सुजुकी सुपर क्यारी खरिद गर्ने ग्राहकलाई १ वर्षको निːशुल्क बीमा तथा रु. २०००० को नगद छुट पनि प्रदान गरेको छ । 
 
 
कम्पनीले २ वर्ष÷३०००० किलोमिटर (जुन अगाडि हुन्छ त्यो)को वारेन्टी समेत प्रदान गरेको छ । कम्पनी द्वारा नयाँ सुजुकी सुपर क्यारीको खरिदमा १ वर्षसम्मको निːशुल्क सर्भिसिङ्ग सुबिधा उपलब्ध गराएको छ । बजारमा नयाँ सुपर क्यारीको मूल्य रु.११ लाख ९९ हजार रुपैयाँ रहेको छ । कम्पनि अनुसार यस गाडीको मुख्य उद्देश्य भनेको बढी आम्दानी तथा फाइदाका लागि हो । यो अफरले न्युनतम लगानीमा गाडीको स्वामित्व प्रदान गर्नुका साथै आम्दानीमा वृद्धि र लाभ लिन सकिन्छ ।
 
७९३ सीसीको ट्विन सिलिण्डरयुक्त डिजेल इन्जिन भएको यस गाडीमा ५ स्पिड म्यानुयल ट्रान्समिसन रहेको छ । यसको ३२.६३ वीएचपी को ३५०० आरपीएम तथा २००० आरपीएमको अधिकताम ७५ एनएम को टर्क विद्यमान छ । यस गाडीले २२.०७ प्रतिलिटर माइलेज प्रदान गर्दछ । ८० किलोमिटर प्रतिघण्टाको दुरीतय गर्ने कुरामा कम्पनीको दावी समेत रहेको छ । 
 
सुपर क्यारीमा ३.२५ स्क्वायर मिटरको लोडिङ्ग क्षेत्र रहेको छ भने, ७४० किलोसम्मको भारवहन क्षमता रहेको छ । १६० एमएमको ग्राउन्ड क्लियरेन्स, २११० एमएमको ह्वीलवेस तथा ४.३ मिटर, टर्निङ्ग रेडिएस रहेको छ । लाइट स्ट्रिमिङ्ग ह्वील, मोबाइल चार्जिङ्ग सकेट, डुयअल असिस्ट ग्रिप, मल्टि पर्पोज स्टोरेज स्पेस, बोटल होल्डर आदि जस्ता सुविधाहरु यसमा रहेका छन् । १२ इन्चको ह्वील्स, लोड सेन्सर प्रविधि, चुस्त ब्रेकिङ्गको लागि अगाडिको फ्रन्ड डिस्क तथा रियर ड्रम ब्रेक आदि सुपर क्यारीका विशेषताहरु हुन् । 
 
No comment yet. Be the first one to comment.
ताजा अपडेट
लोकप्रिय