काठमाडौंको घट्टेकुलो र सुकेधारामा विप्लवले गरायो विस्फोट ː ३ जनाको मृत्यु, ६ घाइते

काठमाडौंको घट्टेकुलो र सुकेधारामा विप्लवले गरायो विस्फोट ː ३ जनाको मृत्यु, ६ घाइते
काठमाडौं । काठमाडौंको सुकेधारा र घट्टेकुलोमा भएको बम विस्फोटमा मृत्यु हुनेको संख्या तीन पुगेको छ । ६ जना घाइते भएका छन् ।
सुकेधारा र  घट्टेकुलो  दुबै स्थानमा घटनास्थलमा एक एक जना मृत भेटिएका छन् भने ओम अस्पतालमा उपचारका क्रममा एक जनाको मृत्यु भएको छ ।
 
ओम अस्पतालमा मृत्यु हुने सुकेधारा विस्फोटका घाइते हुन् । ओम अस्पतालमा अरु ५ जनाको उपचार भइरहेको छ । घट्टेकुलो विस्फोटका घाइते रविन केसीको राष्ट्रिय ट्रमा सेन्टरमा उपचार भइरहेको प्रहरीले जानकारी दिएको छ ।
 
दुबै विस्फोटमा नेत्रविक्रम चन्द विप्लव नेतृत्वको नेकपाको संलग्नता रहेको पुष्टि भएको छ । घट्टेकुलो विस्फोटका घाइते केसी विप्लव समूहका विद्यार्थी नेता हुन् ।
 
सुकेधारा विस्फोटमा घाइते भएका सुरेन्द्र महर्जन विप्लव समूहको भातृ संस्था नेवा मुक्ति मोर्चाका नेता रहेको प्रहरीले जानकारी दिएको छ ।
 
सुकेधारास्थित ढलाने पुल नजिकै सैलुनमा बम विस्फोट भएको थियो । प्रहरीको प्रारम्भिक अनुसन्धानमा सिलिण्डर विस्फोट भएको खुलेको छ । तर, आफैं वा कसैले विस्फोट गराएको हो भन्ने अनुसन्धान भइरहेको बताइएको छ । 
 
No comment yet. Be the first one to comment.
ताजा अपडेट
लोकप्रिय